Pàgines Menu
Categories del menú

Publicat en 23/mai/2014 en Activitats

Jornada sobre les eleccions al Parlement Europeu a Galicia

Jornada sobre les eleccions al Parlement Europeu a Galicia

Esta semana tivo lugar na Universidade de Santiago de Compostela as primeiras Xornadas sobre as Eleccións ó Parlamento Europeo organizadas pola Xuventude Europeista Federalista de Galicia (XEF Galicia) e a Unión de Europeistas Federalistas de Galicia (UEF Galicia) en colaboración coa Asociación Estudiantil Galega de Esquerdas (AEGE) e o Foro de Alumnos de Dereito (FAD).
As xornadas celebraronse os dias 22 e 23. O prato forte chegou o segundo dia co debate político celebrado entre os deputados autonómicos Olalla Rodil do BNG, Javier Dorado do PP de Galicia e Francisco Caamaño do PSdeG-PSOE.
De maneira crítica pero con idéntico espíritu europeista, todos eles invitaron a participar nas eleccións do vindeiro 25 de maio. Como principais motivacións salientaron a necesidade de votar “contra a mercantilizacion existente en Europa e por mais Galiza noutra Europa” (Olalla Rodriguez), “para mellorar as cousas e cambiar a visión de Europa a prol dun Estado Federal” (Francisco Caamaño) e “por máis Europa apostando pola Unión Bancaria e Orzamental, nunha Europa sinónimo de Estado do Benestar” (Javier Dorado).
O día anterior tivo lugar unha charla-colóquio coa Profesora de Dereito Internacional, Mª Isabel Lirola Delgado, e co Presidente de UEF Galicia, Orestes Suarez Anton para quen nestas eleccións “os europeos debemos optar entre participar para evolucionar con ambición e profundizar nos valores de democracia, liberdade e benestar social que representa Europa ou continuar pola actual senda de declive do proxecto europeo á que nos conduce o inmovilismo resignado.”
Aroa Fandiño, Presidenta de XEF Galicia, amosou a sua satisfacción polo éxito das xornadas e anunciou que “nas vindeiras semanas celebraremos novas actividades no afan de estimular o debate sobre o proxecto europeo e achegalo á cidadania galega.”

Maís información e fotos das Xornadas en Facebook e Twitter XEF Galicia
Facebook: https://www.facebook.com/pages/XEF-Galicia/172069826320902?fref=ts
Twitter: https://twitter.com/XEFGalicia